A porta do Courel
Vive a natureza dunha forma auténtica no Xeocámping situado dentro do primeiro Xeoparque UNESCO en Galicia. Aquí, cada día é unha oportunidade para reconectar co que importa.
Máis que un cámping
No Xeocámping Montañas do Courel agárdate un espazo coidado e acolledor, pensado para que desfrutes ao teu ritmo: relaxarte, compartir momentos ou vivir pequenas aventuras sen saír das instalacións. Contamos con piscina, zonas verdes, comedor cuberto, parque infantil, grellas… e mesmo un Centro de Interpretación para mergullarte na historia e riqueza da contorna!
Aloxamentos con encanto
Durme baixo as estrelas nunha tenda ou goza da comodidade dun bungaló ecolóxico feito con mimo. Tanto se viaxas en familia, en grupo ou en parella, temos o espazo ideal para ti: funcional, confortable e en plena natureza, sen renunciar ao descanso nin ao compromiso sostible do noso proxecto.
Ríos, montañas e historia viva
Estamos no corazón do Xeoparque Montañas do Courel, un territorio recoñecido pola UNESCO onde cada paso conta unha historia. Fervenzas agochadas, camiños antigos, minas romanas, aldeas con encanto… Aquí a natureza non é só o escenario; é a verdadeira protagonista da túa experiencia.