O Xeocámping
O noso cámping é moito máis ca un lugar onde pasar a noite: é un espazo pensado para vivir, sentir e descubrir. Cada recuncho está deseñado para que poidas explorar, descansar e reconectar contigo mesmo e coa natureza que nos rodea.
Déixanos amosarche todo o que temos preparado para ti nas nosas instalacións!
Sala común
O corazón social do cámping. Un espazo acolledor con mesas para xantar, sofás confortables e unha pequena biblioteca e ludoteca de acceso libre. Tamén tes á túa disposición microondas e neveira compartida.
Piscinas
A poucos metros dunha fermosa praia fluvial, pero sen saír do cámping, podes refrescarte nas nosas piscinas. Perfectas para un chapuzón mentres tomas o sol ou ves xogar aos máis pequenos.
Parque infantil
Un recuncho pensado para a diversión das crianzas. Cunha colección de bambáns e xogos sinxelos, é o lugar ideal para que se entreteñan mentres a familia se relaxa na piscina ou na sala común.
Grellas
Contamos con tres zonas de asadores para que poidas preparar o teu churrasco ao aire libre. E se esqueces traer carbón, non te preocupes: nós facilitámoscho. Só tes que traer as ganas de desfrutar!
Edificio de aseos
Un espazo limpo e funcional con duchas, lavabos e todos os servizos hixiénicos necesarios para as persoas aloxadas nas parcelas. Pensado para garantir a túa comodidade en todo momento!
Zona verde
Un amplo espazo natural onde as crianzas poden correr, xogar e explorar con liberdade, sen interromper o descanso das persoas adultas. Aquí, cada quen atopa o seu lugar.
A piscina permanecerá pechada ata a vindeira tempada. Agardamos que na túa próxima visita poidas gozar dela!
Visita o CIMAR
No propio recinto do cámping atoparás o CIMAR —Centro de Interpretación da Minería Aurífera Romana—, unha xanela á historia, á natureza e ao patrimonio que nos rodea.
Poderás achegarte a el comodamente dende o teu bungaló, mesmo en zapatillas e co café do almorzo na man. Un plan perfecto para quen ten curiosidade por saber máis sen renunciar ao descanso. Nunca foi tan fácil mergullarse na historia dunha paisaxe única!
