Aloxamentos

Bungalós

Os nosos bungalós, construídos a partir de contedores marítimos reciclados, son unha alternativa moderna, ecolóxica e acolledora. Unen deseño funcional coa calidez dun fogar, nun espazo pensado para vivir en harmonía coa natureza sen renunciar ao confort.

Cada bungaló leva o nome dun lugar emblemático do Xeoparque Montañas do Courel e está concibido para que te sintas en conexión coa contorna desde o primeiro momento.

Acampada

Se es das persoas que gozan do campismo máis tradicional, temos o lugar perfecto para ti. As nosas parcelas están pensadas para que poidas instalar a túa tenda ou aparcar a túa caravana con total tranquilidade, rodeado de natureza e co canto dos paxaros como despertador.

Contamos con 8 parcelas amplas, con capacidade de entre 3 e 6 prazas. Todas permiten a entrada de vehículos no seu interior, para maior comodidade no momento de instalarse e durante a túa estancia. Ademais, dispoñemos dunha zona de acampada libre, pensada para aquelas persoas que viaxan sen vehículo. Neste espazo non é necesario facer reserva previa: só chega, monta a túa tenda e desfruta.

A túa estancia inclúe o acceso a:

• Edificio de servizos comúns, con baños e duchas individuais.
• Zona de lavandería.
• Tomas de corrente para cargar dispositivos electrónicos.
• Zona común, con microondas e neveira compartida á túa disposición.

As prazas de autocaravana tamén dispoñen de acceso directo á luz e auga, así como a un punto de baleirado de augas.

Aquí, a liberdade da acampada combínase coas comodidades que fan a experiencia máis agradable. Ven durmir baixo as estrelas, sen renunciar ao benestar!